અદાણી ગ્રીનનો રીન્યુએબલ પોર્ટફોલિયો ભારતમાં સૌથી મોટો ૮,૦૨૪ મેગાવોટને આંબ્યો

–  હવે AGELનો કાર્યરત પવન-સૌર હાઇબ્રિડ પોર્ટફોલિયો ૨,૧૪૦ મેગાવોટ સુધી પહોંચ્યો જે દુનિયામાં સૌથી મોટો

– હાઇબ્રિડ પ્લાન્ટની ડીઝાઇન ઓછામાં ઓછા ૫૦% ની CUF પહોંચેેતે રીતે કરવામાં આવી છે

રાજસ્થાનના જેસલમેર ખાતે અદાણી સમૂહના રિન્યુએબલ અંગ અદાણી ગ્રીન એનર્જી લિ. (AGEL) નો ચોથો વિન્ડ-સોલર હાઇબ્રિડ પાવર પ્લાન્ટ હવે સંપૂર્ણ રીતે કાર્યરત થયો છે અને તેની સંપત્તિનું મૂડીકરણ થયું છે. નવા ઉમેરાયેલા આ હાઇબ્રિડ પાવર પ્લાન્ટની સંયુક્ત કાર્યાન્વિત ઉત્પાદન ક્ષમતા ૭૦૦ મેગાવોટ છે અને ૨૫  વર્ષ માટે કીલોવોટ હોર્સપાવરના રૂ.૩.૨૪ લેખે  પાવર પરચેઝ એગ્રીમેન્ટ (PPA) ધરાવે છે.

આ નવો હાઇબ્રિડ પાવર પ્લાન્ટ ૬૦૦ મેગાવોટના સૌર અને ૫૧૦ મેગાવોટના વિન્ડ પ્લાન્ટનો બનેલો છે. અદ્યતન હાઇબ્રિડ પ્લાન્ટ સૌર ઉર્જામાંથી મહત્તમ વીજળી ઉત્પાદન પ્રાપ્ત કરવા માટે બાયફેસિયલ સોલાર પીવી મોડ્યુલ્સ અને હોરીઝોન્ટલ સિંગલ-એક્સિસ ટ્રેકર્સ (HSAT) સિસ્ટમ્સ જેવી અદ્યતન રીન્યુએબલ તકનીકોનો ઉપયોગ કરવામાં આવ્યો છે. પ્લાન્ટ એક જ સ્થાને છે અને તેની ડિઝાઇન ઓછામાં ઓછા ૫૦% ની CUF પહોંચે તે રીતે તૈયાર કરવામાં આવી છે. ભારતમાં કોઈપણ રિન્યુએબલ પ્રોજેક્ટનો આ સૌથી વધુ CUF છે. આ પ્લાન્ટ રીન્યુએબલ એનર્જીની શક્યતાનો ઉપયોગ કરીને ઉત્પાદન આડેના વિક્ષેપને ઉકેલવા સાથે વધતી જતી વીજ માંગને પહોંચી વળવા વધુ ભરોસાપાત્ર ઉકેલ પૂરો પાડે છે. આ સાથે AGELનો કાર્યાન્વિત પવન-સૌર હાઇબ્રિડ પોર્ટફોલિયો હવે ૨,૧૪૦ મેગાવોટના વિશ્વના સૌથી મોટા ઉત્પાદનના આંકને આંબી ગયો છે.

AGEL પાસે હવે વિશ્વના સૌથી મોટા ૭૦૦ મેગાવોટના પવન-સૌર હાઇબ્રિડ પાવર પ્લાન્ટના સફળ સંચાલન સાથે ભારતમાં ૮,૦૨૪ મેગાવોટ સાથેનો સૌથી મોટો ઓપરેટિંગ રિન્યુએબલ પોર્ટફોલિયો છે. આ પ્લાન્ટ AGELની ૧૦૦% પેટા કંપની અદાણી હાઇબ્રિડ એનર્જી જેસલમેર ફોર લિ. હેઠળ છે.

AGEL એ અગાઉ મે ૨૦૨૨ માં ભારતનો ૩૯૦ મેગાવોટનો સહુ પ્રથમ હાઇબ્રિડ પાવર પ્લાન્ટ કાર્યરત કર્યો હતો. ત્યારબાદ સપ્ટેમ્બર ૨૦૨૨માં ૬૦૦ મેગાવોટનો દુનિયાનો સૌથી મોટો એક જ સ્થળે હાઇબ્રિડ પાવર પ્લાન્ટ અને ડિસેમ્બર ૨૦૨૨માં ૪૫૦ મેગાવોટનો ત્રીજો હાઇબ્રિડ પાવર પ્લાન્ટ કાર્યરત થયો હતો. આ તમામ ત્રણેય હાઇબ્રિડ ઉર્જા ઉત્પાદન મિલકતો રાજસ્થાનના જેસલમેરમાં આવેલી છે.

અદાણી ગ્રીન એનર્જી લિમિટેડ:

અદાણી ગ્રીન એનર્જી લિમિટેડ (AGEL) ભારત સ્થિત અદાણી સમૂહનો હિસ્સો છે અને તે કાર્યરત, નિર્માણ હેઠળના, એનાયત થયેલી અને હસ્તગત કરાયેલ એસેટસ સહિત ૨૦.૪ GWનો ઈન્વેસ્ટમેન્ટ ગ્રેડ કાઉન્ટર પાર્ટીઝને સર્વિસ પૂરી પાડતો વિશ્વનો સૌથી મોટો રિન્યુએબલ પોર્ટફોલિયો ધરાવે છે. કંપની યુટીલીટી સ્તરના ગ્રીડ કનેક્ટેડ સોલાર અને વિન્ડફાર્મ પ્રોજેક્ટસનો બિલ્ડ, ઑન, ઓપરેટ અને મેઈન્ટેનના ધોરણે વિકસાવે છે. AGEL ના મહત્વના ગ્રાહકોમાં સોલાર એનર્જી કોર્પોરેશન ઓફ ઈન્ડીયા (SECI), નેશનલ થર્મલ પાવર કોર્પોરેશન (NTPC) અને વિવિધ રાજ્યોની વીજ વિતરણ કંપનીઓનો સમાવેશ થાય છે. વર્ષ ૨૦૧૮માં લીસ્ટ કરાયેલી AGEL પર્યાવરણલક્ષી COP26 ના લક્ષ હાંસલ કરવામાં ભારતને સહાય કરે છે.