14 ફેબ્રુઆરીએ કાઉ હગ ડે ઉજવવાની સલાહ

ભારતના પશુ કલ્યાણ વિભાગ દ્વારા 14 ફેબ્રુઆરીના રોજ કાઉ હગ ડે ઉજવવાની સલાહ પર કેન્દ્રીય પશુપાલન મંત્રી પુરૂષોત્તમ રૂપાલાએ કહ્યું કે, આ દેશમાં ગાય માતાની પૂજા કરવી એ આપણી ખૂબ જૂની પરંપરા છે અને જો આપણે તેને સારી રીતે ઉજવીએ તો તે ખૂબ જ ખુશીની વાત હશે.

4 ફેબ્રુઆરીએ જ કાઉ  હગ ડે મનાવવાના પ્રશ્ન પર પુરુષોત્તમ રૂપાલાએ કહ્યું કે,તમે ગમે તે તારીખ નક્કી કરો, પ્રશ્નો ઊભા થશે. પ્રેમનો દિવસ છે તેથી ગાયને પ્રેમ કરો. ગાય માતાનું સ્મરણ કરવાથી જ સૌને લાભ થાય છે. માતા ગાય આપણને બધું આપે છે. આ દેશના લોકોને માતા ગાય પાસેથી બધું જ મળે છે. આ માતા ગાયને પ્રેમ કરવો એ ખૂબ જ સારી વાત છે.

8 ફેબ્રુઆરીએ પશુપાલન અને ડેરી વિભાગ હેઠળના બોર્ડ દ્વારા બહાર પાડવામાં આવેલી નોટિસમાં કહેવામાં આવ્યું હતું કે, “તમામ ગાય પ્રેમીઓ માટે માતા ગાયના મહત્વને ધ્યાનમાં રાખીને અને જીવનને સુખી અને સંપૂર્ણ અને સકારાત્મક બનાવવા માટે 14 ફેબ્રુઆરીએ ગાય હગ દિવસની ઉજવણી કરી શકે છે.” નોટિસમાં કહેવામાં આવ્યું છે કે, ગાયને ભેટવાથી “ભાવનાત્મક સમૃદ્ધિ” આવશે અને “સામૂહિક સુખ” વધશે.