– ભારત અને અમેરિકા પહેલા જ પોતાના દેશના કાયદા હેઠળ અબ્દુલ રહેમાન મક્કીને આતંકવાદી જાહેર કરી દીધો હતો
– ચીન સિવાય તમામ સભ્યોએ મક્કીનું નામ આતંકવાદી યાદીમાં ઉમેરવાનું સમર્થન કર્યું
સંયુક્ત રાષ્ટ્ર સુરક્ષા પરિષદએ ગઈકાલે પાકિસ્તાન સ્થિત આતંકવાદી અબ્દુલ રહેમાન મક્કીને વૈશ્વિક આતંકવાદીની યાદી ઉમેર્યો છે. ભારતે તો પહેલેથી જ લશ્કર-એ-તૈયબાના નેતાને વૈશ્વિક આતંકવાદી જાહેર કરવાની માંગ કરી હતી, પરંતુ ચીને તેનો વિરોધ કરતી હતી. જૂન 2022માં, ભારત સંયુક્ત રાષ્ટ્ર પ્રતિબંધ સમિતિમાં જોડાયું, આ અંતર્ગત પાક આતંકવાદી અબ્દુલ રહેમાન મક્કીને યાદીમાં જાહેર કરવાના પ્રસ્તાવને ચીન દ્વારા રોકવામાં આવતો હતો જેની આંતરરાષ્ટ્રીય મંચ પર ટીકા કરવામાં આવી હતી.
ભારત-અમેરિકામાં પહેલેથી જ પ્રતિબંધિત કર્યો હતો
ભારત અને અમેરિકા પહેલા જ પોતાના દેશના કાયદા હેઠળ અબ્દુલ રહેમાન મક્કીને આતંકવાદી જાહેર કરી દીધો હતો. મક્કી ભારતમાં ઘણી આતંકવાદી પ્રવૃતિઓમાં સંકળાયેલ છે, જેમાં આતંકવાદી હુમલાઓ માટે ભંડોળ ઊભું કરવું, યુવાનોની ભરતી કરવી અને હિંસા માટે કટ્ટરપંથી વિચારધારા ફેલાવી અને ખાસ કરીને જમ્મુ અને કાશ્મીરમાં હુમલાનું આયોજન કરવું. અબ્દુલ રહેમાન મક્કી લશ્કર-એ-તૈયબા ના વડા અને 26/11ના માસ્ટરમાઇન્ડ હાફિઝ સઈદનો સાળો છે.
ચીન અવરોધ બની રહ્યું હતુ
16 જૂન 2022ના રોજ, ચીને પાકિસ્તાની આતંકવાદી મક્કીને સંયુક્ત રાષ્ટ્ર સુરક્ષા પરિષદની પ્રતિબંધિત સૂચિમાં સામેલ કરવાના યુએસ અને ભારતના સંયુક્ત પ્રસ્તાવને રોક્યો હતો. અમેરિકા અને ભારતે સુરક્ષા પરિષદની અલકાયદા પ્રતિબંધ સમિતિ હેઠળ મક્કીને વૈશ્વિક આતંકવાદી જાહેર કરવા માટે સંયુક્ત ઠરાવ રજૂ કર્યો હતો. 16 જૂને ચીન સિવાય તમામ સભ્યોએ મક્કીનું નામ આતંકવાદી યાદીમાં ઉમેરવાનું સમર્થન કર્યું હતું.
કચ્છ ન્યુઝ હેડલાઇન્સ 
Leave a Reply