ભારત યુએન મિશનમાં મહિલા પીસકીપર્સની સંખ્યામાં વધારો કરશે

ભારતે ફરી એકવાર સંયુક્ત રાષ્ટ્ર મિશનમાં મહિલા શાંતિ રક્ષકોની તૈનાતી વધારવાનો નિર્ણય કર્યો છે. સંયુક્ત રાષ્ટ્રમાં ભારતના સ્થાયી પ્રતિનિધિ રુચિરા કંબોજે ટ્વીટ કર્યું કે ભારત અબેઈના સંવેદનશીલ વિસ્તારમાં યુએન મિશનમાં અમારી બટાલિયનના ભાગ રૂપે શાંતિ રક્ષકોની તમામ મહિલા ટુકડીને તૈનાત કરી રહ્યું છે. તાજેતરના વર્ષોમાં મહિલા પીસકીપર્સની આ સૌથી મોટી તૈનાતી છે.

કંબોજે જણાવ્યું હતું કે યુનાઇટેડ નેશન્સ ઇન્ટરિમ સિક્યુરિટી ફોર્સ, અબેઇ (UNISFA) ની ભારતીય બટાલિયનના ભાગરૂપે 6 જાન્યુઆરી, 2023 ના રોજ અબેઇમાં મહિલા પીસકીપર્સની પ્લાટૂન તૈનાત કરવામાં આવી છે. નિવેદન અનુસાર, 2007માં લાઇબેરિયામાં મહિલા પીસકીપર્સની પહેલી પ્લાટૂનની તૈનાતી બાદ યુએન મિશનમાં મહિલા પીસકીપર્સની એક પ્લાટૂનની આ ભારતની સૌથી મોટી તૈનાતી છે. ગયા વર્ષે 31 ઓક્ટોબર સુધીમાં, ભારત બાંગ્લાદેશ પછી યુએન પીસકીપિંગ મિશનમાં બીજા નંબરનું સૌથી મોટું સૈનિક યોગદાન આપનાર દેશ છે. ભારતે કુલ 12 મિશનમાં 5,5887 સૈનિકો અને કર્મચારીઓને મોકલ્યા છે.

ભારતીય મિશનએ નિવેદનમાં નોંધ્યું છે કે વિશ્વભરના યુએન મિશનમાં મહિલા શાંતિ રક્ષકોની ભૂમિકા સ્થાનિક વસ્તીમાં મહિલાઓ અને બાળકો સુધી પહોંચવાની અને તેમની સાથે જોડાણ કરવાની તેમની ક્ષમતામાં મહત્વપૂર્ણ છે. ખાસ કરીને જેઓ સંઘર્ષ વિસ્તારોમાં જાતીય હિંસાનો ભોગ બને છે.