ગુજરાતની ચૂંટણી હવે ગમે ત્યારે જાહેર થશે

ગુજરાત રાજ્યની વિધાનસભાની ચુંટણીની જાહેરાતનું કાઉન્ટ ડાઉન શરૂ થઈ ગયું છે. કેન્દ્રના ચૂંટણી પંચે તૈયારી શરૂ કરી દીધી છે. એક અખબારના અહેવાલ અનુસાર આવતીકાલે એટલે કે તા.૩ ના રોજ જાહેર થવાની શક્યતા છે. બીજી તરફ, રાજ્ય સરકારને પોતાના તરફથી તૈયારીઓ પૂર્ણ કરી દીધી છે અને કર્મચારીઓની રજા ઉપર ચૂંટણી પૂર્ણ થાય ત્યાં સુધી પ્રતિબંધ ફરમાવી દીધો છે.

રાજકોટના પોલીસ કમિશનરે મંગળવારે એક પરિપત્ર જાહેર કરી રાજકોટ શહેર પોલીસની તમામ રજા ઉપર પ્રતિબંધની જાહેરાત કરી છે.

ગુજરાત વિધાનસભાની મુદ્દત ફેબ્રુઆરીમાં પૂર્ણ થઈ રહી છે પણ વર્ષ ૨૦૦૨થી દર વખતે ડિસેમ્બર મહિનામાં રાજ્યમાં ચૂંટણી પ્રક્રિયા પૂર્ણ કરી દેવામાં આવે છે.