HDFC અને HDFC બેન્ક વચ્ચે મર્જરની જાહેરાત  

ભારતની બેન્કિંગ સેક્ટરના સૌથી મોટા મર્જરની સોમવારે ઘોષણા કરવામાં આવી છે. સોમવારે દેશની સૌથી મોટી ખાનગી બેંક અને દેશની સૌથી મોટી હાઉસિંગ ફાઇનાન્સ કંપની તેમજ ઇંસ્યુરન્સ, મ્યુચ્યુઅલ ફન્ડ જેવી સેવાઓ આપતી નાણા કંપની હાઉસિંગ ડેવલપમેન્ટ ફાઇનાન્સ કોર્પોરેશન લિમિટેડ (HDFC)નું  HDFC બેન્કમાં મર્જર થશે આ મર્જરની અસર બાદ આ કંપની દેશની સૌથી અગ્રણી નાણાકીય સેવાઓ આપતી કંપની બની શકે છે.

સ્ટોક એક્સેન્જને આપેલી વિગત અનુસાર HDFC Bank તેની રૂ.19.38 લાખ કરોડની એસેટ સાથે રૂ.6.24 લાખ કરોડની એસેટ ધરાવતી HDFC સાથે મર્જરની જાહેરાત થઈ છે. આ મર્જર ડીલની જાહેરાત અનુસાર HDFCના 25 શેર સામે રોકાણકારોને HDFC Bankના 42 શેર મળશે.

શેરબજારમાં લિસ્ટેડ બન્ને કમોનીઓનું માર્કેટ કેપ વધી જશે અને દેશની સૌથી મૂલ્યવાન કંપની બની શકે છે. શુક્રવારના બંધ ભાવ અનુસાર HDFC Bank રૂ 8.35 લાખ કરોડના મૂલ્ય સાથે ત્રીજા ક્રમે અને HDFC રૂ 4.44 લાખ કરોડ સાથે નવમા ક્રમે છે. અત્યારે રિલાયન્સ ઇન્ડસ્ટ્રીઝ રૂ.17.97 લાખ કરોડ સાથે દેશની સૌથી વધુ મૂલ્યવાન કંપની છે. આ મર્જર ડીલ અનુસાર એચડીએફસી બેન્કમાં એચડીએફસીનો 41 ટકા હિસ્સો હશે. આ મર્જરની કામગીરી નવા નાણાંકીય વર્ષના બીજા કે ત્રીજા ત્રિમાસિકમાં પૂર્ણ થવાની અપેક્ષા છે.